Samkvæmt fréttum á Ítalíu eru forráðamenn Genoa að skoða það að gera samning við Dele Alli sem er nú án félags.
Genoa reynir að styrkja hópinn sinn eftir að Ruslan Malinovskyi meiddist alvarlega.
Alli varð samningslaus í sumar hjá Everton en enska félagið hefur ekki útilokað að gera nýjan samning við hann.
Alli hefur hins vegar ekki spilað í marga mánuði vegna meiðsla og það hræðir forráðamenn Genoa.
Dele er 28 ára gamall miðjumaður sem varð að stórstjörnu ungur en hefur átt erfitt með að halda takti vegna andlegra veikinda.
