Það verður hreinn úrslitaleikur í Bestu deild kvenna næstu helgi, þetta varð ljóst þegar Breiðablik og Valur unnu sína leiki í dag.
Valur heimsótti Víking og vann 1-2 sigur þar sem Fanndís Friðriksdóttir og Anna Rakel Pétursdóttir skoruðu mörk liðsins.
Breiðablik vann 4-2 sigur á FH þar sem Samantha Rose Smith skoraði tvö mörk fyrir liðið. Hún kom til liðsins um mitt sumar og hefur raðað inn mörkum.
Úrslitaleikurinn fer fram næstu helgi en Breiðablik er með eins stigs forystu.
Leikurinn fer fram á Hlíðarenda en Valur var í efsta sæti þegar 18 leikir voru búnir og fá því heimaleik.
