Jude Bellingham gæti klárað það fyrir Real Madrid að Trent Alexander-Arnold komi til félagsins, þessu heldur fyrrum varnarmaður Liverpool fram.

Real Madrid vill fá Trent næsta sumar frá Liverpool þegar samningur hans er á enda, hann kæmi frítt til Real Madrid.

Trent og Bellingham eru miklir vinir og sjást eyða miklum tíma saman þegar þeir eru í verkefnum með enska landsliðinu.

Bild og Independent fjalla um málið og segja að áhugi Real Madrid sé svo sannarlega til staðar. Hann sé á lista yfir leikmenn sem félagið vill næsta sumar.

„Félagið sjálft er 95 prósent af því sem selur leikmanni, ef Trent ræðir við Jude og Jude segir réttu hlutina. Þá gæti það klárað málið,“ segir Glen Johnson fyrrum varnarmaður Liverpool.

„Jude gæti klárað dæmið og verið síðasta pússlið til að Trent tæki ákvörðun, ég held reyndar að Trent sé klár sama hvað Jude segir.“

Trent hefur ekki viljað gefa það út hvað hann er að hugsa og segist aðeins hugsa um þetta tímabil.