Mikel Arteta stjóri Arsenal lét Myles Lewis-Skelly ungan leikmann liðsins fara með skipanir til David Raya að tefja leikinn gegn Manchester City. Daily Mail fékk myndband sem sýnir þetta.
Það vakti nokkra athygli í leik Arsenal gegn Manchester City þegar Raya sagðist vera meiddur en á sama tíma og leikurinn var stoppaður boðaði Arteta alla sína leikmenn á fund.
Nú hefur komið í ljós að stjórinn sendi hinn unga Myles Lewis-Skelly af stað til að láta Raya gera þetta.
Michael Oliver dómari leiksins tók eftir þessu og spjaldaði Lewis-Skelly fyrir. Raya settist hins vegar niður og sagðist meiddur á meðan Arteta fundaði með leikmönnum.
Bellibrögð sem þessi eru þekkt í fótboltanum en dómaranum ber að stöðva leikinn ef markvörðurinn segist meiddur.
Myles Lewis-Skelly kom við sögu síðar í leiknum en það var fyrsti leikur hans, hann mætti til leiks með gult spjald en City jafnaði leikinn í uppbótartíma 2-2.
