Arsenal mistókst að vinna sinn fyrsta Meistaradeildarleik í kvöld er liðið mætti Atalanta á útivelli.
Um var að ræða leik á Ítalíu en Atalanta verður svekktara með að hafa ekki fagnað þremur stigum.
Mateo Retegui gat tryggt liðinu sigur af vítapunktinum snemma í seinni hálfleik en David Raya varði frá honum og reyndist hetja enska liðsins.
Fleirir leikir fóru fram en Monaco vann flottan og óvæntan 2-1 heimasigur á Barcelona þar sem gestirnir voru manni færri alveg frá 11. mínútu.
Atletico Madrid vann RB Leipzig 2-1 á heimavelli og nýliðar í Meistaradeildinni Brest unnu lkið Sturm Graz með sömu markatölu.
Fyrr í kvöld vann Benfica lið Rauðu Stjörnunnar 2-1 og Bayer Leverkusen valtaði yfir Feyenoord, 4-0.
