Christian Eriksen miðjumaður Manchester United segist aldrei hafa íhugað það að fara frá félaginu í sumar þrátt fyrir að hafa mikið verið orðaður við önnur lið.

Eriksen hefur byrjað síðustu tvo leiki hjá United og skoraði tvö í sigri gegn Barnsley í deildarbikarnum í gær.

„Mér líður virkilega vel hjá United, ef einhver hjá félaginu hefði sagt mér að fara þá hefði ég gert það. En það kom aldrei til umræðu,“ segir Eriksen.

„Ég er líka þannig að ég vil vera þar sem fjölskyldan mín er glöð og þar sem ég fæ tækifærin mín.“

Hann segist ekkert hafa rætt hlutverk sitt við Erik ten Hag fyrir tímabilið. „Það er erfitt að ræða við stjórann um mínútur sem þú færð. Ef hann fer að lofa leikmönnum mínútum þá er það flókið.“

„Það var ekkert rætt, bara hausinn niður og leggja mikið á sig í hverjum leik sem ég fæ tækifæri í.“

„Ég á ár eftir af samningi sínum, ég legg allt í það og svo sjáum við bara til.“