Dómsmálið gegn Manchester City hófst í dag en óháð nefnd tekur 115 ákærur ensku knattspyrnusambandsins fyrir.
Forráðamenn City virðast ekki hafa neitt sérstaklega miklar áhyggjur af þessum ákærum.
City er sakað um að brjóta reglur um fjármögnun frá árinu 2009 til ársins 2018. Búist er við niðurstöðu í málinu í upphafi næsta árs.
Forráðemenn City hafa rætt við leikmenn liðsins í gegnum ferlið og hafa ekki neinar áhyggjur.
„Þegar ég var þarna og fréttirnar fóru í loftið þá komu Txiki Begiristain og Ferran Soriano til okkar og sögðust ekki hafa neinar áhyggjur því City hefði ekki brotið neina reglu,“ sagði Aymeric Laporte fyrrum leikmaður City.
„Þeir sögðu okkar að allt yrði í lagi, ég held að þetta verði ekki neitt vandamál.“
