Albert Guðmundsson landsliðsmaður í knattspyrnu neitaði sök þegar hann gekk inn í Héraðsdóm Reykjavíkur í morgun. Morgunblaðið segir frá þessu.

Albert er mættur til Íslands til svara til saka, hann er ákærður fyrir að hafa brotið kynferðislega á íslenskri konu fyrir rúmu ári síðan.

Albert gekk inn í dómsal í morgun og samkvæmt Morgunblaðinu sagðist hann neita sök þegar hann gekk inn. Þinghaldið er lokað og því geta fjölmiðlar eða almenningur ekki fyglst með framgöngu málsins.

Ung kona kærði Albert til lögreglu fyrir kynferðisbrot sumarið 2023. Eftir að rannsókn lögreglu lauk var málið sent til héraðssaksóknara. Í febrúar á þessu ári ákvað héraðssaksóknari að fella málið niður. Sú ákvörðun var kærð til ríkissaksóknara sem felldi hana úr gildi og lagði fyrir héraðssaksóknara að ákæra í málinu.

Albert hefur neitað sök í málinu en á meðan málið er í ferli banna reglur KSÍ honum að spila fyrir íslenska landsliðið.

Albert gekk í raðir Fiorentina í sumar á láni frá Genoa en Fiorentina getur keypt Albert næsta sumar og er talið að það muni á endanum ganga í gegn.