Eddie Nketiah er að öllum líkindum á leið til Crystal Palace frá Arsenal. Frá þessu greina helstu miðlar erlendis.

Framherjinn er ekki í áætlunum Mikel Arteta, stjóra Arsenal, og má finna sér annað félag. Snemma í sumar var hann orðaður við Marseille en félögin náðu ekki saman. Arsenal hafði svo samþykkt tilboð Nottingham Forest en félaginu tókst ekki að semja við leikmanninn þjálfan.

Nú er búist við að Arsenal samþykki tilboð Palace upp á 25 milljónir punda. Gæti upphæðin hækkað í 30 milljónir punda síðar meir. Það er svipað og tilboð Forest sem Skytturnar samþykktu.

Þá er ekki búist við því að það verði neitt vesen að fá Nketiah til að semja um sín kjör við Palace.

Nketiah er uppalinn hjá Arsenal og hefur leikið með félaginu alla tíð, fyrir utan stutta lánsdvöl hjá Leeds árið 2019.