Erik ten Hag, stjóri Manchester United, var ekki ánægður með varnarmenn sína í leik gegn Brighton í gær.
United tapaði 2-1 á útivelli gegn Brighton þar sem Joao Pedro skoraði sigurmarkið með skalla eftir fyrirgjöf Simon Adingra.
Adingra fékk að gefa boltann fyrir nokkuð auðveldlega og var Pedro þá einnig ekki dekkaður innan teigs sem kostaði liðið stig á lokamínútunum.
,,Við komum ekki í veg fyrir fyrirgjöfina. Það voru þrír leikmenn í kringum hann og hann er hægrifótar leikmaður,“ sagði Ten Hag um fyrirgjöf Adingra.
,,Við hefðum átt að pressa hann út að hliðarlínunni í tað þess að leyfa honum að snúa inn völlinn og gefa boltann fyrir.“
,,Að sjálfsögðu þurfum við að ræða þetta mál, hvernig við glímum við svona stöður í leikjum. Það voru fleiri en ein mistök í þessari sókn og það hafði stór áhrif á lokatölurnar.“
