Alisson, markvörður Liverpool, viðurkennir að lið í Sádi Arabíu hafi sýnt sér áhuga í sumarglugganum.
Alisson er þó ákveðinn í að halda sig í Liverpool þó hann gæti fengið verulega launahækkun í nýju landi.
Leikmenn í Sádi eru á risalaunum en Alisson hefur ekki áhuga á að fara og mun virða sinn samning sem gildir til 2027.
,,Ég er samningsbundinn og vil virða þann samning, ég vil klára hann eða þá skrifa undir nýjan,“ sagði Alisson.
,,Ég er virkilega ánægður hjá Liverpool. Fjölskyldan er ánægð. Ég var aldrei kominn á þann stað að ræða launatölur við lið í Sádi.“
,,Félögin sýndu bara áhuga. Þegar þú heyrir af laununum sem aðrir leikmenn eru að fá þá ertu smá áhugasamur. Það er eðilegt.“
