Það var landsliðsfélagi Conor Gallagher sem sannfærði leikmanninn um að semja við Atletico Madrid í sumar.
Það er Gallagher sjálfur sem greinir frá en hann kom til Atletico frá Chelsea í sumarglugganum.
Kieran Trippier, leikmaður Newcastle, spilaði um tíma með Atletico og hvatti landa sinn til að taka skrefið til Spánar.
,,Við vorum saman á EM í nokkra mánuði og eyddum tíma með hvor öðrum. Við töluðum mikið um félagið og hans skoðanir,“ sagði Gallagher.
,,Hann hjálpaði mér mikið að taka þessa ákvörðun. Hann gat ekki talað betur um félagið, leikmennina, þjálfarana og borgina.“
,,Hann hrósaði félaginu í hástert sem gerði mér auðvelt fyrir, ég er þakklátur fyrir hans ráð.“
