Robert Lewandowski er ekki einn af fimm fyrirliðum Barcelona sem er ákvörðun sem hefur komið mörgum á óvart.
Sergi Roberto var aðal fyrirliði Barcelona á síðustu leiktíð en hann hefur nú yfirgefið uppeldisfélagið.
Marc Andre ter Stegen, markvörður liðsins, tekur við fyrirliðabandinu og verður Ronald Araujo varafyrirliði.
Þrír aðrir leikmenn eru svo nefndir næst í goggunarröðinni en það eru Frenkie de Jong, Pedri og Raphinha.
Þetta val kemur mörgum á óvart en Lewandowski er líklega reynslumesti leikmaður Börsunga – Raphinha er sagður vera til sölu og þá er Pedri aðeins 21 árs gamall.
