Heung Min Son, leikmaður Tottenham, segist ekki vera goðsögn hjá félaginu þrátt fyrir að hafa spilað glimrandi vel í mörg ár í London.

Son er sóknarmaður Tottenham en hann hefur verið einn allra mikilvægasti leikmaður liðsins undanfarin níu ár.

Son hefur þó enn ekki unnið titil með félaginu og segir að það sé krafan svo fólk geti byrjað að kalla hann ‘goðsögn.’

Þessi 32 ára gamli leikmaður er fyrirliði Tottenham í dag en hann tók við af Harry Kane sem samdi við Bayern Munchen í fyrra.

,,Ég er ekki á því máli að ég sé goðsögn hjá þessu félagi,“ sagði Son í samtali við BBC.

,,Ég hef alltaf sagt það að ég vilji vinna eitthvað með félaginu, þá megið þið kalla mig goðsögn. Ég kom hingað til að vinna titla og vonandi verður þetta tímabil sérstakt.“