Sergio Ramos, goðsögn Real Madrid, er við það að skrifa undir samning við lið Al Orobah í Sádi Arabíu.
Það er lið sem Íslendingar eru farnir að kannast við en Jóhann Berg Guðmundsson gerði samning þar á dögunum.
Ramos er einn besti varnarmaður sögunnar að margra mati en hann er í dag án félags eftir dvöl hjá Sevilla.
Ramos er þekktastur fyrir tíma sinn hjá Real Madrid þar sem hann vann ófáa titla og skoraði ófá mikilvæg mörk.
Ramos er miðvörður og er 38 ára gamall en hann ku vera að skrifa undir samning við Al Orobah sem leikur í efstu deild í Sádi.
