Bruno Fernandes segist hafa hafnað öðrum félögum í sumar til að framlengja samning sinn við Manchester United.

Fernandes krotaði á dögunum undir samning til ársins 2027 en hann hefur verið á mála hjá United undanfarin fjögur ár.

Lið í Sádi Arabíu sem og stórlið eins og Bayern Munchen og PSG eru talin hafa reynt að næla í miðjumanninn í sumar.

,,Traustið sem ég fékk frá félaginu var gríðarlega mikilvægt fyrir mig,“ sagði Fernandes við ESPN í Brasilíu.

,,Sérstaklega þar sem önnur félög höfðu samband við mig, eitt félag vissi að það væri möguleiki á að ég gæti verið á förum.“

,,Ég var með tilboð á borðinu en félagið sannfærði mig um að þeir þyrftu á mér að halda og að þeir vildu gera hlutina öðruvísi í framtíðinni.“