Lið í Sádi Arabíu er sagt vera til í að gera Vinicius Junior að launahæsta leikmanni allra tíma en frá þessu greinir ESPN en það yrði gert ásamt ríkissjóð landsins.
Vinicius er 24 ára gamall og er einn öflugasti vængmaður Evrópu en lið frá Sádi hafa sýnt honum áhuga í dágóðan tíma.
Samkvæmt ESPN er ónefnt lið tilbúið að borga Brasilíumanninum 300 milljónir punda á ári sem er í raun galin upphæð.
Vinicius fengi 25 milljónir punda á mánuði, 800 þúsund pund á hverjum degi og um tíu pund á sekúndu.
Ef Vinicius tekur þessum samningi fær hann í íslenskum krónum 53 milljarða fyrir hvert ár og myndi samningurinn gilda til ársins 2029.
Talið er að Vinicius vilji halda áfram í Madríd en það eru svo sannarlega ekki allir sem gætu hafnað svo ótrúanlegu tilboði.
