Lee Carsley mun að öllu óbreyttu stýra enska landsliðinu í september þegar liðið mætir meðal annars Írlandi í Þjóðadeildinni.
Carsley er þjálfari enska U21 árs landsliðsins.
Gareth Southgate sagði upp störfum eftir Evrópumótið og ætlar enska sambandið að gefa sér góðan tíma í þjálfaraleitina.
Graham Potter, Eddie Howe, Pep Guardiola og fleiri hafa verið nefndir til sögunnar hjá enska landsliðinu.
England mætir Írlandi og Finnlandi í Þjóðadeildinni í september þar sem Heimir Hallgrímsson mun stýra Írum í fyrsta sinn.
Telegraph segir allar líkur á því að Carsley muni stýra þeim leik hjá enskum.
