Ian Evatt, stjóri Bolton, virðist hafa skotið létt á tvo eigendur í ensku þriðju deildinni sem flestir ættu að kannast við.

Um er að ræða þá Ryan Reynolds og Rob McElhenney sem eru eigendur Wrexham og eru báðir leikarar í Hollywood.

Leikararnir hafa eytt miklum peningum í Wrexham síðustu ár – eitthvað sem eigendur liða í neðri deildum Englands eiga yfirleitt erfitt með.

,,Þetta gerist ekki bara í Championship deildinni, þetta gerist hérna líka,“ sagði Evatt í samtali við Bolton News.

,,Það eru nokkur dæmi um það og ég ætti ekki að þurfa að nefna nein nöfn en þeir hafa eytt peningum sem ég hélt ég myndi aldrei sjá í þessari deild.“

,,Þú þarft að keppa við það en ef fólk er að taka ákvörðun tengda fótbolta þá erum við á góðum stað.“