Óskar Hrafn Þorvaldsson er orðinn aðstoðarþjálfari KR en eftir rúma tvo mánuði tekur hann svo við sem þjálfari liðsins.
Starfstitlar Óskars í Vesturbænum hafa breyst nánast í hverri viku en hann kom fyrst inn sem ráðgjafi hjá KR fyrir sex vikum síðan.
Fyrir nokkrum vikum var svo greint frá því að Óskar yrði yfirmaður knattspyrnumála hjá KR.
Í dag var svo Óskar ráðinn aðstoðarþjálfari karlaliðs KR og tekur svo við sem þjálfari í október þegar tímabiið á enda.
Sex störf Pálma:
Pálmi Rafn Pálmason sem nú er þjálfari KR mun í haust verða framkvæmdarstjóri félagsins. Það verður hans sjötta starf í KR á rúmu ári.
Pálmi var i fyrra íþróttafulltrúi KR, Pálmi tók svo við kvennaliði KR í fyrra en féll með liðið úr 1. deildinni.
Pálmi varð þá yfirþjálfari yngri flokka í KR en var svo ráðinn aðstoðarþjálfari meistaraflokks karla nokkru síðar.
Þegar Gregg Ryder var svo rekinn úr starfi í sumar var Pálmi ráðinn þjálfari og hættir því í haust þegar hann verður framkvæmdarstjóri.
