Radamel Falcao framherjinn knái, Lorelei Tarón eiginkona hans og fimm börn þeirra voru flutt með hraði á sjúkrahús í vikunni.
Ástæðan er sú að gasleki kom upp á heimili þeirra. Það gerðist þegar verið var að kveikja á hitun í sundlaug þeirra.
Kerfið sem sá um að hita laugina gaf sig og gas fór að leka og fann heimilisfólkið fyrir því.
„Við urðum hrædd en erum í lagi núna,“ sagði Lorelei Tarón eiginkona Falcao.
„Eiturefnið úr gasinu fór í okkur öll,“ sagði hún einnig en fjölskyldan fann fyrir svima og þreytu eftir örskamma stund.
Eftir frábæran feril í Evrópu er Falcao mættur heim til Kólumbíu og leikur með Millonarios þar í landi.
