Chelsea var alls ekki sannfærandi í öðrum leik sínum á undirbúningstímabilinu en liðið spilaði við Celtic í gær.
Chelsea hefur byrjað ansi illa í sumar en fyrri leik liðsins lauk með 2-2 jafntefli gegn Wrexham.
Leikur númer tvö var gegn Celtic frá Skotlandi en þeir skosku höfðu betur 4-1 í Bandaríkjunum.
Chelsea notaðist við nokkuð sterka leikmenn en nefna má Mykhailo Mudryk, Wesley Fofana, Christopher Nkunku, Reece James og Noni Madueke.
Raheem Sterling kom inná sem varamaður í hálfleik en staðan var þá 2-0 fyrir Celtic.
Enzo Maresca, nýr stjóri Chelsea, byrjar því ansi brösuglega og eru margir áhyggjufullir fyrir komandi tímabil.
