Goðsögn Doncaster Rovers er á reynslu hjá Manchester United þessa stundina en frá þessu greina enskir miðlar.
Um er að ræða vængmann sem ber heitið Tommy Rowe sem lék með Doncaster frá 2016 til 2019 og svo 2021 til 2024.
Rowe er án félags í dag en hann spilaði með liði United í vikunni sem mætti utandeildarliði Chester.
Talið er að United hafi áhuga á að semja við þennan reynslumikla leikmann en hann myndi einnig taka að sér þjálfarastarf.
Rowe myndi vinna með akademíu United en félagið hefur áður gert slíkt með leikmenn eins og Paul McShane og Tom Huddlestone.
