fbpx
Föstudagur 29.ágúst 2025
433Sport

Skotinn hrósar Gylfa Þór fyrir komandi einvígi – „Munum allir eftir honum“

Helgi Fannar Sigurðsson
Þriðjudaginn 23. júlí 2024 14:30

Gylfi Þór. Mynd: DV/KSJ

Ekki missa af Helstu tíðindum dagsins í pósthólfið þitt

Lesa nánar

Það er eftirvænting á meðal stuðningsmanna skoska liðsins St. Mirren fyrir leikinn gegn Val í undankeppni Sambandsdeildarinnar á fimmtudag. Þetta verður fyrsti Evrópuleikur liðsins í næstum 40 ár.

Um er að ræða leik í 2. umferð forkeppninnar. Valur vann stórsigur á Vllaznia í 1. umferðinni en St. Mirren kemur inn á þessu stigi keppninnar.

„Þú sérð hvað stuðningsmennirnir eru spenntir og að þeir vilja vera hluti af þessu. Við erum svo spenntir að vera fulltrúar félagsins í Evrópu,“ segir Mark O’Hara, fyrir liði St. Mirren, við The National.

Mark O’Hara. Getty Images

Fyrri leikurinn fer fram hér heima á fimmtudag og verður hann sá fyrsti í Evrópu hjá St. Mirren síðan 1987.

„Þetta er stórt tækifæri fyrir okkur. Þjálfararnir hafa sagt okkur að við getum verið á veggjunum á leikvanginum okkar eins og leikmennirnir sem komu á undan okkur. Þetta er tækifæri fyrir okkur til að afreka það. Sama hvað gerist munu stuðningsmenn okkar muna eftir þessum leik en við þurfum að sjá til þess að það sé af réttum ástæðum.

Við viljum ekki bara spila eitt einvígi. Þetta verður auðvitað erfitt en okkur finnst við geta unnið. Við þurfum að vera inni í einvíginu eftir leikinn úti því ég held að við getum klárað þetta hér heima. Það er uppselt nú þegar og það verður sérstakt,“ segir O’Hara.

Arnar Grétarsson
O’Hara talar vel um lærisveina Arnars Grétarssonar. Mynd: DV/KSJ

Í viðtalinu ræðir hann einnig Gylfa Þór Sigurðsson, stjörnuleikmann Vals og einn þann allra besta í íslenskri knattspyrnusögu.

„Við höfum horft á mikið af leikjum þeirra í deildinni svo við vitum hvað þeir geta. Við sáum þá vinna 4-0 í Albaníu svo þeir eru hættulegir. Þeir eru með tæknilega gott lið sem vill stjórna leikjum. Við þurfum að bregðast við því. Stærsta stjarnan þeirra er auðvitað Gylfi. Við munum allir eftir honum frá því hann var í ensku úrvalsdeildinni og hann er enn mjög góður. En vonandi getum við stöðvað hann.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 14 klukkutímum

Lýsir ótrúlegri atburðarás á veitingastað – „Ég held að ég hafi sloppið vel“

Lýsir ótrúlegri atburðarás á veitingastað – „Ég held að ég hafi sloppið vel“
433Sport
Fyrir 15 klukkutímum

Newcastle loksins að fá framherja – Woltemade verður dýrastur í sögu félagsins

Newcastle loksins að fá framherja – Woltemade verður dýrastur í sögu félagsins
433Sport
Fyrir 17 klukkutímum

Svona er tölfræði Amorim frá því að hann tók við United

Svona er tölfræði Amorim frá því að hann tók við United
433Sport
Fyrir 17 klukkutímum

West Ham rífur upp stóra heftið fyrir Fernandes

West Ham rífur upp stóra heftið fyrir Fernandes
433Sport
Fyrir 21 klukkutímum

Bað kurteisislega um að fá að fara í dag

Bað kurteisislega um að fá að fara í dag
433Sport
Fyrir 22 klukkutímum

Enn eitt höggið fyrir Tottenham

Enn eitt höggið fyrir Tottenham