Það eru margir sem muna eftir kvikmyndinni Goal sem var gríðarlega vinsæl á sínum tíma – hún var gefin út árið 2005.

Þar var fjallað um unga knattspyrnustjörnu að nafni Santiago Munez sem fékk að upplifa drauminn og spila fyrir Newcastle á Englandi.

Fyrrum knattspyrnustjarnan Dean Saunders lék í myndinni en hans atriði var því miður fyrir hann ekki notað að lokum.

Þetta er eitthvað sem fáir vissu en Saunders gerði garðinn frægan með liðum eins og Derby, Liverpool, Aston Villa og Nottingham Forest.

Saunders hafði sagt allri fjölskyldunni frá sínu fyrsta verkefni sem leikari en fékk að lokum rúmlega milljón króna fyrir það eina að mæta á settið.

,,Hafið þið séð myndina Billy Elliot? Pabbinn í þeirri mynd lék í Goal, hann var einn af þjálfurunum,“ sagði Saunders.

,,Ég tók þátt og stóð bara þarna, ég þurfti ekkert að tala. Ég fékk borgað sjö þúsund pund fyrir mitt hlutverk en þeir notuðu ekki atriðið – ég var miður mín!“

,,Ég sagði allri fjölskyldunni frá því að ég myndi leika í myndinni, ég hélt áfram að segja þeim að ég myndi birtast á næstunni. Þeir ákváðu að losa atriðið en ég fékk borgað sjö þúsund pund.“