Manchester Evening News segir að stjórnarformenn Everton séu steinhissa á ákvörðun Manchester United.

United er búið að tryggja sér efnilegan hafsent sem ber nafnið Leny Yoro og spilaði með Lille í Frakklandi.

Yoro er 18 ára gamall og er talinn kosta United í kringum 60 milljónir punda.

United hafði áður áhuga á Jarrad Branthwaite, varnarmanni Everton, en neitaði að borga yfir 50 milljónir fyrir Englendinginn – Everton vildi fá allt að 80 milljónir.

Everton vildi fá hærri upphæð fyrir leikmanninn en United vildi meina að það væri einfaldlega ekki möguleiki að hækka boðið.

Stuttu seinna kemur svo í ljós að liðið borgi mun hærri upphæð fyrir Yoro sem hefur aldrei leikið í efstu deild Englands og hefði orðið samningslaus á næsta ári.

Everton var að búast við öðru tilboði frá United seinna í sumar en útlit er fyrir að Brainthwaite fari ekki á Old Trafford fyrir næsta vetur.