Það er ekki víst að varnarmaðurinn Riccardo Calafiori gangi í raðir Arsenal strax en hann er á mála hjá Bologna.
Arsenal var búið að ná samkomulagi við Bologna um kaupverð og er leikmaðurinn staðráðinn í að koma til Englands.
Bologna hefur hins vegar ákveðið að pása þessi skipti en félagið vill ræða við fyrrum félag Calafiori, Basel.
Ítalinn var keyptur til Bologna árið 2023 frá Basel og á svissnenska félagið rétt á 50 prósent af kaupverði hans.
Arsenal er talið borga 42 milljónir punda fyrir leikmanninn en Bologna myndi þá aðeins græða 21 milljón og Basel einnig 21 milljón.
Samkvæmt Sky Sports á Ítalíu hefur Bologna beðið Calafiori um að snúa aftur til æfinga á undirbúningstímabilinu og mun vonast eftir hærri upphæð frá Arsenal.
Litlar líkur eru á að Basel lækki sinn hlut í kaupverðinu en Bologna er vongott um að geta fengið aðeins hærri upphæð eða um átta milljónir meira fyrir strákinn.
