Vilhjálmur Bretaprins var staddur á úrslitaleik EM í Þýskalandi á sunnudag milli Englands og Spánar. Þar á hann að hafa viðhaft móðgandi ummæli.

Spánn vann leikinn 2-1 en Vilhjálmur sat með elsta syni sínum, forsætisráðherranum Keir Starmer, spænska konungnum og dóttur hans á leiknum.

Á einum tímapunkti í leiknum kom kona til Vilhjálms og sessunauta hans. Vilja margir breskir miðlar meina að samskiptin á milli hans og konunnar hafi ekki verið vinaleg. Mirror fékk varalesara í málið.

Sá segir að Vilhjálmur hafi ekki verið sáttur í samtalinu og meðal annars sagt: „Það var búið að óska eftir þessu.“

Þegar hann settist niður eftir samtalið á Vilhjálmur svo að hafa sagt: „Pylsa“ samkvæmt varalesaranum.

Ekki er vitað hvert samhengi samræðnanna var og þá er auðvitað erfitt að staðfest að þetta hafi verið nákvæmlega það sem Vilhjálmur sagði, en svo vill varalesarinn allavega meina.