Það var boðið upp á ótrúlega dramatík í forkeppni Meistaradeildarinnar í kvöld er Víkingur Reykjavík mætti Shamrock Rovers.

Fyrri leiknum lauk með jafntefli á Víkingsvelli en þeir írsku höfðu svo betur á heimavelli í kvöld.

Johnny Kenny skoraði bæði mörk Shamrock í fyrri hálfleik áður en Nikolaj Hansen lagaði stöðuna fyrir Víkinga á 60. mínútu.

Jack Byrne var svo rekinn af velli á 74. mínútu hjá Shamrock og útlitið ansi gott fyrir Íslendingana.

Víkingar fengu svo vítaspyrnu á 96. mínútu er brotið var á Valdimar Þór Ingimundarsyni og gat Nikolaj tryggt framlengingu.

Því miður þá skaut Nikolaj í stöngina og í kjölfarið var flautað til leiksloka og eru Víkingar á leið í Sambandsdeildina.