Kylian Mbappe segist aldrei hafa beðið um að klæðast treyju númer 10 hjá Real Madrid.
Frakkinn var kynntur formlega til leiks hjá spænska stórveldinu í dag. Hann mun klæðast treyju númer 9.
Einhverjir héldu að hann myndi sækjast eftir tíunni, en hann spilar í henni með franska landsliðinu. Það númer er hins vegar upptekið.
„Ég bað aldrei um þetta númer. Þetta er númerið hans Luka Modric,“ sagði Mbappe í dag.
„Það er heiður að spila með Modric. Hann er sigurvegari, vann Ballon d’Or og ég virði hann svo mikið.“
