Það ætlaði allt að fara úr böndunum og var meira en klukkustundar frestun á úrslitaleik Copa America í Bandaríkjunum í nótt.
Þar mættust Argentína og Kólumbía í Miami en leikurinn hófst 75 mínútum of seint þar sem fjöldi miðalausra stuðningsmanna ruddist inn á völlinn.
Fólk án miða fór ýmsar leiðir til að svindla sér inn á völlinn og mátti meðal annars sjá hóp af fólki troða sér inn um loftræstikerfi.
Um tíma opnuðu öryggisverðir einfaldlega hliðin inn á völlinn fyrir öllum af ótta við að troðningur myndi myndast.
Sem fyrr segir var leiknum frestað og þurftu einhverjir leikmenn að yfirgefa búningsklefana til að fara og aðstoða fjölskyldur sínar við að komast inn á völlinn. Þar á meðal var Argentínumaðurinn Alexis Mac Allister. Móðir hans lýsir ástandinu í nótt sem „ómannlegu.“
Leikurinn fór þó að lokum fram og vann Argentína 1-0 sigur.
Bandaríkin eiga að halda HM eftir tvö ár og verður að segja að skipulagsleysi og skortur á öryggisgæslu á leiknum í nótt hringi viðvörunarbjöllum.
More people getting into the game through… what??? The vent??
What is happening in the Copa America Final? pic.twitter.com/QKgkwEmnCW
— Tactical Manager (@ManagerTactical) July 15, 2024
