Alexis Sanchez, fyrrum leikmaður Arsenal, ber ennþá taugar til félagsins en hann lék með liðinu fyrir um sex árum.
Sanchez lék með Arsenal frá 2014 til 2018 og skoraði alls 60 deildarmörk í 122 leikjum áður en hann hélt til Manchester United.
Ferill Sanchez náði í raun aldrei sama flugi eftir brottför frá Arsenal en hann stóð sig þó vel með Marseilla 2022 til 2023.
Sanchez sást á heimili landa síns Mauricio Isla um helgina þar sem hann er klæddur nýjustu treyju Arsenal sem liðið mun klæðast í vetur.
Sanchez er sjálfur án félags þessa stundina en hann var síðast á mála hjá Inter Milan síðasta vetur.
Hann er ekki of vinsæll á meðal stuðningsmanna Arsenal eftir að hafa yfirgefið félagið fyrir einmitt United en mikill rígur er á milli þessara liða.
Mynd af þessu má sjá hér.
