Sjónvarpskonan Laura Woods er sannfærð um það að Gareth Southgate kveðji enska landsliðið eftir úrslitaleik EM.

Úrslitaleikur EM fer fram í Berlin í kvöld en England leikur gegn Spánverjum og vonast til að vinna sitt fyrsta stórmót frá árinu 1966.

Það er mikið talað um framtíð Southgate en talið er að hann muni stíga til hliðar eftir leik kvöldsins sama hvernig fer.

,,Ég held að það skipti engu máli hvað gerist í úrslitaleiknum gegn Spánverjum. Southgate mun fara,“ sagði Woods.

,,Ég hef heyrt aðra þjálfara tala um svona rússíbana áður; að vera með hóp af leikmönnum sem endist svo lengi en stundum ferðu heilan hring og kemst með liðið eins langt og mögulegt er.“

,,Að mínu mati er Gareth kominn á endastöð. Ég er mikill aðdáandi hans og ég vil ekki gagnrýna það sem hann hefur afrekað því ég á ekkert nema góðar minningar.“