Didier Deschamps, landsliðsþjálfari Frakklands, hafði ekki allt of mikinn húmor fyrir spurningu sem hann fékk um framtíð sína eftir tap gegn Spáni í undanúrslitum EM í gærkvöldi.
Frakkar voru heldur ósannfærandi á mótinu og skoruðu til að mynda ekki úr opnum leik, fyrir utan sjálfsmörk, fyrr en í 2-1 tapinu í gær.
Deschamps var eftir leik spurður út í framtíð sína en hann vildi lítið gefa upp og taldi spurninguna ekki eiga rétt á sér.
„Spurðu forsetann. Ég var að tapa undanúrslitaleik. Heldurðu að ég sé að fara að svara?“ sagði Deschamps, sem var þó yfirvegaður á meðan.
„Ég virði þig en reyndu að virða annað fólk í ábyrgðastöðum. Ég segi þetta rólega. Ég er hér til að svara spurningum en ég svara þessari ekki í dag. Þú hefðir ekki átt að spyrja mig að þessu.“
Didier Deschamps répond à une question sur son avenir à la tête des Bleus#FRAESP #ESPFRA pic.twitter.com/Lw7bqYe3OT
— L'ÉQUIPE (@lequipe) July 9, 2024
