Jarrad Branthwaite mætti í dag aftur til æfinga hjá Everton eftir frí, en mikill áhugi er á honum frá Manchester United.
Everton hefur hafnað tveimur tilboðum United í miðvörðinn, síðast í gærkvöldi. Það hljóðaði upp á 45 milljónir punda auk 5 milljóna seinna meir. Fyrra tilboðið hljóðaði upp á 35 milljónir punda. Bæði eru talin nánast hlægileg af Everton, sem vill mun meira.
Það er því óljóst hvað gerist, hvort United reyni aftur eða snúi sér að öðrum kostum. Félagið er einnig á eftir Leny Yoro hjá Lille og Matthijs de Ligt hjá Bayern Munchen.
Branthwaite átti frábært tímabil með Everton. Hann er aðeins 22 ára gamall og samningsbundinn félaginu í þrjú ár til viðbótar.
🔵🏴 Jarrad Branthwaite, back to training today as Everton rejected two bids from Man United in the last month.#EFC see Branthwaite as similar profile compared to Gvardiol, Fofana, Maguire so surely worth more than £45/50m in their opinion. pic.twitter.com/4oLaFO89AA
— Fabrizio Romano (@FabrizioRomano) July 9, 2024
