Viðræður Manchester United um kaup á Joshua Zirkzee og Matthijs de Ligt eru að ganga vel og er búist við því að félagið klári kaup á þeim hollensku.
United hefur látið Bologna vita að félagið ætli að virkja klásúlu í samningi hans sem er 34 milljónir punda.
United er nú í viðræðum við umboðsmann Zirkzee um þóknun og laun kappans.
Þá segir að viðræður United við FC Bayern um kaup á De Ligt gangi vel, Sky Sports segir að allir aðilar búist við því að hann fari til United.
De Ligt vill ekki ræða við önnur félög heldur setja stefnuna á það að endurnýja kynni sín við Erik ten Hag sem gaf honum traustið hjá Ajax.
De Ligt og Zirkzee eru báðir í hollenska landsliðshópnum sem mætir Tyrklandi í átta liða úrslitum EM á morgun.
