Starfsfólk Manchester United er sagt í áfalli en allt að 250 starfsmönnum félagsins verður sagt upp, félagið er með 1100 starfsmenn. Ensk blöð fjalla um málið.
Sir Jim Ratcliffe sem stýrir félaginu í dag og á 27,7 prósent í félaginu vill skera niður kostnað.
Ratcliffe réð færustu ráðgjafa í heimi til að fara í gegnum starfsemina og telja þeir að of margir vinni hjá félaginu.
Starfsmönnum félagsins var tilkynnt um þessi áform á fundi í vikunni og verður ráðist í uppsagnir á næstu vikum.
Ratcliffe hefur verið að taka til hendinni hjá United og skipt út mikið af lykilstarfsfólki til að reyna að bæta árangurinn innan vallar.
