Kona nokkur á Englandi ákvað að koma maka sínum á óvart er þau horfðu á leik Englands og Slóveníu í riðlakeppni EM á dögunum.

Enska liðið er nú komið í 8-liða úrslit en frammistaðan ekki verið neitt til að hrópa húrra fyrir.

Leikurinn gegn Slóvenum var sá síðasti í riðlakeppninni en konan hafði fylgst með og hlustað á manninn sinn er hann horfði á leikinn gegn Dönum þar á undan.

Þar heyrði hún hann kvarta undan hinu í þessu í leiknum og gagnrýna frammistöðu Englands og þjálfarans Gareth Southgate. Hún ákvað að segja svipaða hluti er þau horfðu saman á leikinn gegn Slóveníu.

„Ég skil ekki af hverju John Stones fer ekki ofar á völlinn því þá gæti Declan Rice verið framar,“ byrjaði hún að segja. Maðurinn var steinhissa en sagðist sammála.

Hún hélt áfram að henda út fótboltamolum og maður skildi hvorki upp né niður.

„Ég skil ekki af hverju Kane er svona neðarlega, þú þarft að hlaupa fyrir aftan vörnina,“ sagði hún.

„Hvaðan kemur þetta?“ spurði maðurinn en hún sagðist þá aðeins hafa hlustað.

Sjón er sögu ríkari.

@the_coles_official I think he was secretly impressed #england #euros #thecoles #fyp ♬ original sound – The Coles