Cody Gakpo verður fyrst og síðast framherji hjá Arne Slot nýjum stjóra Liverpool. Þessu halda ensk blöð fram í dag.
Gakpo er 25 ára gamall en hann fann ekki taktinn á Anfield undir stjórn Jurgen Klopp.
Slot þekkir samlanda sinn vel en Gakpo hefur verið sjóðandi heitur á EM í Þýskalandi og skorað þrjú mörk.
Gakpo hefur þó mest spilað á vængnum en Slot telur að hann nýtist Liverpool best sem fremsti maður.
Þar mun hann berjast við Darwin Nunez og Diogo Jota um stöðuna en báðir eru framherjar og hafa staðið sig með ágætum.
Talið er að Slot vilji kaupa inn vinstri kantmann og hefur Liverpool verið sterklega orðað við Anthony Gordon.
