Milan Skriniar vonar að sínir menn í Slóvakíu geri það sama og Ísland gerði á EM 2016.
Ísland kom þá öllum á óvart og sló England úr keppni í 16-liða úrslitum EM – eitthvað sem Slóvakía getur gert á EM 2024.
Pressan er mikil á Englandi fyrir leikinn en liðið er ekki búið að vera sannfærandi hingað til.
,,Það verður mikil pressa á enska liðinu sem gæti hjálpað okkur í viðureigninni,“ sagði Skriniar.
,,Þeir þurfa að sannfæra heiminn um að þeir hafi mætt í leikinn til að vinna. Þeir eru með risastórar stjörnur og mjög mjög góða leikmenn.“
,,Við getum skráð okkur í sögubækur fótboltans í Slóvakíu ef við vinnum England. Þetta er risastórt tækifæri fyrir liðið og alla í Slóvakíu.“
