Þjóðverjinn Leroy Sane viðurkennir það að hann sjái verulega eftir því að hafa fengið sér risastórt húðflúr á sínum tíma í Manchester.
Sane var þá leikmaður Manchester City en hann er í dag á mála hjá stórliði Bayern Munchen.
Sane skoraði í leik gegn Monaco í Meistaradeildinni fyrir um sjö árum síðan og fékk sér húðflúr þar sem hann sést fagna því ágæta marki í 5-3 sigri.
Vængmaðurinn sér hins vegar eftir þessari ákvörðun en hann er 28 ára gamall í dag og er reynslunni ríkari.
,,Eins og ég hef sagt, ég var ungur. Í dag myndi ég taka allt aðra ákvörðun,“ sagði Sane við Der Spiegel.
,,Ég var einhver sem þurfti að hlaupa í geggnum vegg, allavega einu sinni, jafnvel þó það væri sársaukafullt. Ég þurfti að læra af því og þá sérstaklega þegar ég var yngri.“
,,Það kom mér á óvart að þetta hafi verið umræðuefni í fjölmiðlum, ég var mjög ungur á þessum tíma.“
