Curtis Woodhouse fyrrum leikmaður í ensku úrvalsdeildinni segir að það sé hugarfar vesalings að fara heim til að vera viðstaddur fæðingu sonar síns.

Phil Foden leikmaður enska landsliðsins yfirgaf herbúðir liðsins í vikunni til að fara til Englands og taka á móti syni sínum. Hann og Rebecca voru að eignast sitt þriðja barn.

Foden var mættur aftur til móts við enska landsliðið í gærkvöldi og var því aðeins í tæpa tvo sólarhringa í Englandi.

„Ef Foden er að fara heim til að vera viðstaddur fæðingu sonar síns þá gef ég lítið fyrir það,“ sagði Woodhouse sem lék fyrir Sheffield, Birmingham og fleiri lið.

„Þið getið öskrað á mig og sagt allt sem þið viljið en þetta er hugarfar vesalings. Vertu með liðinu, barnið verður áfram barn þegar þú kemur heim. Þvílík vitleysa.“

Woodhouse hefuir fengið að heyra það fyrir þessi ummæli sín og eru flestir ósammála honum.