Luka Modric, leikmaður Real Madrid og króatíska landsliðsins, var hrærður eftir ummæli ítalsks blaðamanns á fréttamannafundi í gær.
Modric skoraði í dramatísku jafntefli gegn Ítölum þar sem þeir bláklæddu skoruðu í blálokin. Króatar eru þar með líklega úr leik.
Miðjumaðurinn er að verða 39 ára gamall. Hann skrifaði undir nýjan eins árs samning við Real Madrid á dögunum en viðurkenndi eftir leik að hann myndi líklega senn kalla þetta gott hvað leikmannaferilinn varðar.
„Ég væri til í að spila endalaust áfram en það mun koma að því að ég þurfi að leggja skóna á hilluna. Ég held eitthvað áfram en ég veit ekki hversu lengi,“ sagði Modric.
Þá tók ítalski blaðamaðurinn Francesco Repice til máls.
„Ég vildi bara þakka þér fyrir og biðja þig um að hætta aldrei að spila því þú ert einn besti leikmaður sem ég hef fjallað um.“
Modric var hrærður yfir þessum fallegu ummælum.
„Takk fyrir þessi fallegu orð, frá dýpstu hjartarótum, takk.“
Hér að neðan má sjá samskiptin í heild.
This was a truly beautiful moment in the post-match press conference ❤️#BBCEuros #Euro2024 #CROITA pic.twitter.com/K8VowAgm7m
— BBC Sport (@BBCSport) June 24, 2024
