Nokkrir aðilar sem komu að því að taka ákvörðun um framtíð Erik ten Hag höfðu áhuga á því að ráða Gareth Southgate sem næsta stjóra liðsins. Þetta kemur fram í grein The Athletic.
Ákveðið var í gær að halda sig við Ten Hag og gefa honum nýjan samning en félagið hafði íhugað að reka hann.
Nú segja ensk blöð að Ten Hag sé klár í slaginn en Telegraph segir að hann sé verulega ósáttur með hvernig fjölmiðlar fóru með hann.
Þar segir að hann sé sérstaklega ósáttur með það hvernig Roy Keane og Gary Neville töluðu um sig á Sky Sports.
Hann er einnig verulega ósáttur með Rio Ferdinand og Paul Scholes sem starfa hjá TNT Sports en þeir fóru oft ófögrum orðum um stjórann á síðustu leiktíð.
Ten Hag er í brekku en fær traustið og þarf að sanna ágæti sitt á næstu leiktíð.
