Eftir að hafa jafnað sig af smávægilegum meiðslum er John Stones varnarmaður enska landsliðsins nú veikur og gat ekki æft í dag.
Af 26 manna hópi enska landsliðsins var Stones sá eini sem mætti ekki á æfingu.
Stones meiddist lítilega í tapinu gegn Íslandi í síðustu viku en hafði jafnað sig og æfði í gær.
Hann gat hins vegar ekki æft í dag en enska landsliðið mætir Serbíu í fyrsta leik Evrópumótsins á sunnudag.
Þetta er hausverkur fyrir Gareth Southgate enda er Stones mikilvægasti varnarmaður enska liðsins.
