Nottingham Forest þarf að vera með útsölu á næstu átján dögum og þarf félagið 20 milljónr punda í kassann.
Fjárhagsárið í enska boltanum lokast þann 30 júní og yfir þriggja ára tímabil má félag ekki tapa meira en 105 milljónum punda.
Nú segir Telegraph frá því að til að Nottingham komist í gengum það þurfi félagið 20 milljónir punda í tekjur á næstu átján dögum.
Félagið þarf því að selja leikmenn og eru nokkur nöfn nefnd til sögunnar. Morgan Gibbs-White er einn þeirra.
Murillo er 21 árs varnarmaður sem átti gott tímabil og er eftirsóttur, Arsenal og fleiri lið hafa verið orðuð við hann.
Takist Nottingham ekki að ná í aurinn er næstum öruggt að enska úrvalsdeildin mun annað tímabilið í röð taka af þeim stig.
