Marcus Rashford er einn besti fótboltamaður heims að sögn Andre Onana en þeir eru saman hjá Manchester United.

Rashford var frábær fyrir United síðasta vetur en átti erfitt uppdráttar í vetur og stóðst ekki væntingar sem og aðrir leikmenn liðsins.

Onana minnir fólk á að það að Rashford hafi verið frábær í fyrra og að það sé eðlilegt að eiga eitt slæmt tímabil.

,,Hversu mörg mörk skoraði hann á síðasta tímabili? Hversu mörg mörk skoraði hann á þessu tímabili? Við erum að tala um sama leikmann,“ sagði Onana.

,,Er hann lélegur leikmaður? Svo hann var góður í fyrra en í dag er hann lélegur? Nei hann er bara að upplifa erfiða tíma.“

,,Þú getur átt slæmt tímabil og byrjað illa. Það mikilvægasta er hvernig þú endar og að mínu mati er Rashy einn besti fótboltamaður heims.“