Besti leikmaður Manchester United er aðeins 19 ára gamall ef þú spyrð Argentínumanninn öfluga Alejandro Garnacho.
Garnacho skoraði fyrra mark United í gær er liðið vann enska bikarinn gegn Manchester City en hann er sjálfur 19 ára gamall.
Seinna markið skoraði miðjumaðurinn Kobbie Mainoo sem þykir vera gríðarlega efnilegur og á mikla framtíð fyrir sér.
Að sögn Garnacho er Mainoo einfaldlega besti leikmaður United þrátt fyrir að vera svo ungur að aldri.
,,Ótrúlegt. Hann er besti leikmaður liðsins og hann er líka sá yngsti,“ sagði Garnacho við BBC.
,,Við erum góðir vinir og ég er svo ánægður fyrir hans hönd. Þetta var ótrúlegt, enginn hafði trú á okkur en við erum lið, við stöndum saman.“
