Sjónvarpsþátturinn Íþróttavikan kemur út alla föstudaga á 433.is og á Hringbrautarrás Sjónvarps Símans. Helgi Fannar Sigurðsson og Hrafnkell Freyr Ágústsson hafa umsjón með þættinum en gestur þeirra að þessu sinni var enginn annar en Auðunn Blöndal.

Það komu áhugaverðar fréttir á dögunum að í sparnaðarskyni ætlaði Manchester United ekki að greiða undir fjölskyldur leikmanna á úrslitaleik enska bikarsins gegn Manchester City um næstu helgi.

Leikurinn fer fram á Wembley í London en fjölskyldur leikmanna þurfa að koma sér sjálfar þangað. Fengu leikmenn að vita þetta í gegnum SMS og eru ósáttir við það.

„Það er náttúrulega reiðarslag að það sé ekki lengur borgað undir fjölskyldur leikmanna,“ sagði Helgi með kaldhæðnistón.

„Hvaða væl er það? Hvað eru menn með, 3 milljónir á dag?“ sagði Auddi þá áður en Hrafnkell tók til máls.

„Hvernig vildirðu vita þetta? Að það yrði fundur? Það er fínt að fá hlutina í SMS-i.“

Auddi botnar ekki í þessu.

„Heyrðu ástin mín, við þurfum að borga miðann á völlinn og ferðalagið. Er þá bara panikk á heimilinu? Þetta eru milljarðamæringar.“

Umræðan í heild er í spilaranum.

Íþróttavikan er í boði Bola léttöl og Lengjunnar