Nadía Atladóttir, nýr leikmaður Vals, var gestur í nýjasta þætti Íþróttavikunnar. Helgi Fannar Sigurðsson og Hrafnkell Freyr Ágústsson hafa umsjón með þættinum.

Mörgum var brugðið vegna frétta af því að einn af þremur bílum sem flutti lið Vestra aftur á Ísafjörð eftir leik gegn Fram á dögunum hafi oltið á leiðinni. Einn leikmaður, Sergine Fall, var fluttur á sjúkrahús í Reykjavík en enginn slasaðist alvarlega.

„Þetta var sláandi að sjá þetta,“ sagði Helgi í þættinum.

Samúel Samúelsson, formaður meistaraflokksráðs Vestra, sagði að það kæmi til greina að endurskoða hvernig liðið ferðast í hvaða aðstæðum.

„Mér fannst flott hjá Samma að segja að hann væri sjálfur að endurskoða þetta. Hafiði keyrt vestur? Það getur alveg verið scary,“ sagði Hrafnkell.

Elmar Atli Garðarson, fyrirliði Vestra, fylgdi Fall suður á sjúkrahúsið.

„Mér finnst hann svo geggjuð týpa fyrirliðinn, að fara með honum suður. Það var sýnt frá því í Lengsta undirbýningstímabil í heimi um daginn að hann er að skjóta minnka og smíða á sumrin,“ sagði Hrafnkell sem er mikill aðdáandi Elmars.

Umræðan í heild er í spilaranum.

Ithrottavikan s03e14 Bilslysid.mp4